Robot魂 <Side MS> - OO Gundam

Robot魂 – Bandai美其名説是融合「MIA」及「In Action!!Offshoot」技術所生産的新Product,實則即是炒冷飯!!其實以上兩個系列我都未買過,所以我只會當一件新玩物來評評.如果一向有睇開我個blog既blog友,都知我甚少買關於Gundam既玩物,何解今次又會買入呢隻呢?一來今輯Gundam OO自己真係幾鍾意睇,二來畢竟今次都算係Bandai一條新既Product line(籍口!!),所以咪買隻黎試玩吓囉!!

Box Art & Packing

Robot 魂 Side MS 系列第一彈是「Gundam OO 第二季」刹那・F・塞耶的專用機 - OO Gundam.可能因為用料是ABS及PVC的關係,拿上手的第一個感覺是好像模型.上色尚算不錯,全高約12cm, Non-Scale.

另外所有裝備可裝嵌在機體上.

活動能力方面,其實表現已算不錯,大部份都採用二重關節,所以好多動作亦能輕易做到,但以打着Bandai新product及技術來説,可能有所期望吧!!總覺得差左少少.

配件方面::手部配件有握手一對及左手手掌一隻..當然有齊OO Gundam的所有武器及裝備.

GNソードII可轉換成鎗及劍模式,GN盾亦隨時可分拆及合拼.鐳射劍柄可收納在腰背.

對於好似我呢種又懶又無時間砌模型既人黎講,此系列無疑是一個新選擇.但從公怖將會出的機體來看,自己就只得Gundam OO 其餘三子有少少興趣,希望Bandai會推出更多令人吸引,例如機戰系列的機體,就最好不過啦!!