阿女@學校親子旅行2009

今日阿女學校舉行親子旅行,我地一早就返學校報到!!而今次目的地同上年一樣 - 錦田郷村倶樂部!!

記得上年就冷到震,今年就熱到七彩!!到達目的地影完張班相就自由活動,我地就同埋River一齊踢吓毯,吹吓波波先!!

跟住阿女就第一次落農地摘士多啤梨!!收獲仲好豐富!!成籃滿哂都係80蚊!!Ava話又抵食又好味添!!

摘完士多啤梨玩撈金魚,撈左好多啊!!

跟住我地就BBQ,當然係我地班大人燒俾細路仔食先啦!!係食野期間緊係順便同班主任開家長會啦!!班細既食完River Daddy買左隻風爭黎玩,估吾到阿女玩左一陣就已經學識點放啦!

因為太曬關係,校長話做完體操就算,吾玩遊戲喇!!咁阿女臨尾整完幅彩畫,就坐旅遊巴返歸喇!!返到屋企,阿女照鏡見到自己塊面曬到紅哂,仲叫Ava俾支"曬後護理"搽返塊面面添!!