尋日同阿女去行太古城,巧遇商場搞緊一個名為「北原照久の玩具博物館」既展覧.不過阿女全無興趣,於是Ava就帶阿女去斗斗城玩,留下我自己一人慢慢睇!!
一入門口就已經俾兩隻鐵製幪面超人及銀面飛俠吸引着,亦令我回想起小時候,最喜歡嚷着要阿爸阿媽入錢,坐那種一邊有音樂―邊向前向後既機動遊戲,而最玩得多,正正就是這兩個超人.
場内大部份展品都係古董鐵皮玩具,雖然自己未經歷過果個年代,但看着其簡單設計,已經感受到當時這些玩具已帶給人無限歡樂了.
除鐵皮玩具外,當然吾少得超合金啦!!看着這些自己亦曽經擁有過的玩具(如雷登及無敵飛天俠)回想以前小時候,最喜歡就係將所有玩具擺滿成張床,自編自導個故仔,做埋音效,手執玩具你打下我,我打下你,就已經可以玩足一整天了.至於現在,當然不會這樣玩玩具了.
以前未寫Blog前,自己好多時件玩物可能玩都未玩過,係個盒度拿出來就放入櫃作擺設算.至於而家,透過幫玩物影相,反而讓我更了解這件玩物的可玩之處.雖然可能有人會覺得我好無聊,又要打燈又要執相,仲要寫埋篇玩後報告,但這樣搞完一輪,卻讓我重拾返以前果種玩玩具時所帶來的喜悦呢!「玩具,咪就係用黎玩架囉!!」
