聖衣神話Appendix – 水瓶座卡妙胸像是在2009年2月發售.胸像的面相比原著來得更為後生,而且笑容亦帶點輕佻.另一面相是用作重現絶招曙光女神之寬恕用的.另外今次換件方面,無需換上胸甲,只需換頭及肩甲便可.而新的肩甲亦令兩手的活動範圍加了少許.
Box Art
水瓶座黃金聖鬥士卡妙,冰河的恩師(在動畫則是其師父既師父).十二宮之戰,為引導冰河領悟絕對零度的奥義而犧牲.在冥王一役中復活,隨同撒卡,修羅等以冥王前鋒的身份回到聖域.
出生地：法國
修業地：西伯利亞
星座：水瓶
年齡：20
身高（cm）：184
體重（kg）：76
生日： 2.7
血型： A
絕技：水瓶神拳,曙光女神之寬恕,絕對零度,冷凍棺本.
換左頭既神話水瓶真係靚仔好多，有買之前神話水瓶既一定要入返個胸像。
回覆刪除[版主回覆03/17/2009 09:23:00]而家換左成個靚仔又醒神
嘩......你隻水瓶無甩油, 公仔樣又靚, 係邊度買的??是什麼版本??日版?? 我隻好慘呀, 甩油又有墨屎, 同你果隻無得比, 我果隻可以用垃圾來形容
回覆刪除[版主回覆03/18/2009 09:23:00]我果隻係行版,係信和間孤注度買,我都只係揀左兩盒就俾錢,可能好彩掛
水瓶胸先對呀, 打漏左個胸字,
回覆刪除謝謝回應, 下次去下呢度買先
回覆刪除[版主回覆03/18/2009 19:31:00]吾洗客氣!!大家都係神話fans,得閑就多D黎留吓言啦!!
好呀, 當然會呀, 多多留言,你玩左幾耐神話呀?我由第一隻爛水口位星矢開始玩, 不過無儲海鬥士, 神鬥士.
回覆刪除[版主回覆03/19/2009 22:07:00]除左五小弱青銅外(等緊再販)就隻隻都有買,都玩左五六年囉!!所以而家買神話既心態都係為買而買,無セ驚喜了!!
隻隻都買咁好, 我儲左12星座, 五個青銅, 冥王和雅典娜, 同埋胸像, 出埋其如胸像應該都想收手了, 五小弱其實我都想買, 本想等佢跌價, 點知反而無晒貨, 現在好難買番了, 400元隻狼座, 實在唔係好抵, 買二手又驚, 所以想買都得個恨字, 再版又好似無乜聲氣, 無晒辦法. 我其實最想佢出埋d女聖鬥士, 佢偏唔出, 吹賬, 隻撒娜和魔玲, 加蛇夫座和狼座, 可以做個情景, 好過癮呀, 所以佢出埋女聖鬥士的話, 我二手都想買番狼座和蛇座
回覆刪除[版主回覆03/21/2009 09:22:00]撒娜和魔玲都可能會出,但蛇夫座和狼座頗冷門,Bandai未必肯出.....剛公怖出LC版天馬座,雖然我都有睇LC漫畫但呢隻應該會skip喇!!因為係fans心目中車田正美先至係王道!!
好耐無上來tim, 係呀, 車田正美先可以吸引到人, 雖然新的版本用盡好多方法去畫, 電腦功力的確很強, 但始終原本的版本已經在腦海多年, 試問點可以接受到新野呀, 我都係中意車田正美,不會改變了, 由得佢出新聖衣lost canvas版本, 相信玩緊星矢呢班人都係上左年紀了, 呢套漫畫都應該有20年左右了, 哈哈, 不經不覺都過了咁耐了, 我果時都係小六年級 你最緊買左冥衣未??聽講今期日版靚d呀
回覆刪除[版主回覆04/02/2009 09:16:00]好似我呢D上左年紀既,車田作風既星矢已經上哂腦喇!!隻冥衣我買港版的,QC暫時都算可接受!!
信和間孤注度???? 請問一下...係幾多樓呀???
回覆刪除[版主回覆05/13/2010 21:33:00]第二同第三層都有孤注
唉~好羨慕你呀>< 我都好想要水瓶胸像 我行左好多地方都冇呀...>< 連信和2,3樓都唔多覺有/....\ 真係好唔開心~
回覆刪除[版主回覆05/13/2010 23:56:00]有冇試吓兆萬地庫or灣仔188一樓,都可能有機會有,但要有心理準備,可能會幾貴吓.....