母親節下的迪士尼

今日母親節,我地一於用埋之前轉Annual Pass時送果張飛入迪士尼玩!!初初都估今日可能會好多人,但係入到去竟然唔算太多人,好多遊戲都唔洗點排隊就可以玩,爽!!

卡通人物今次唔算影得太多.其中影Mickey & Minnie時俾Minnie見到Ava掛左個Happy Birthday章,大家就一齊唱生日歌,真係幾驚喜同開心!!

行吓行吓聽到遠處傳來"Wild Cat, Let's Go",知道係時候做歌舞青春表演,阿女即刻話唔知會唔會見到表妹呢??果然真係俾我地撞到呢位忠實小Fans啊!!

跟住大家一齊跟住位姐姐,話有份禮物送俾媽咪,原來係支花!!

晏畫我地去左小鎮大街間餐廳度食,貪可以舒舒服服坐低,D野都幾好食架!!

食完野再去玩,沿途仲有小遊戲玩添!!

最後我地仲睇埋煙花先至走.今次我地仲刻意提早半個鐘坐係前排等睇煙花.坐前D真係好睇好多架!!