公公生日快樂

雖然要温書,但公公生日咁大件事,一定要出去慶祝一下!!所以尋晩我地就去左太子酒店間香味屋食自助餐喇!!

都算有幾多野食!!甜品,和牛都幾好食!!片皮鴨配班戟皮幾得意,仲有兩鍋龍蝦火鍋,不過唔係咁吸引!!

阿女唔洗講梗係雪糕最吸引,仲要係Haagen Dazs,仲唔起勢咁食!!

又到左一年一度既芝士日

又到左一年一度最平凡既日子喇!!今年食北極世界Polar Bear!!(忌廉加曲奇味)

毎年呢一日都係撞正阿女測驗,所以一定係温書最重要!!雖然要温書,但阿女都用左小小時間畫左張咭送俾我,真係乖!!而Ava就送個蛋糕同今晩餐芝士火鍋!!

至於今年自己入既貨除左玩物外,亦多左一支鏡.

窮人三寶之一 : Sony DT50mm F1.8 SAM.雖然係定焦,但平平地又有大光圈玩,足夠我呢個新手用.

有新鏡玩梗係即刻去試試啦!!

聖衣神話Appendix – 雙子座撒卡胸像 原色版

聖衣神話Appendix – 雙子座撒卡胸像原色版是在Tamashii Nation 2009展期中限定發售.和早前已推出的胸像分別在於著色是參照漫畫版.値得一提是胸像聖衣比神話淺色好多,所以不能和神話共用.

善良時的撒卡頭髪由動畫版的藍色轉為金黄色,

而邪悪版則由灰色轉為黑色.眼神亦比原先神話既更添凶邪.

Box Art & Packing

雙子座黃金聖鬥士撒卡,和他守護的星座一樣,具有雙重性格.十三年前謀殺前教皇,放逐艾奧羅斯與雅典娜,並自己當上教皇.十二宮之戰失敗後在雅典娜面前自殺贖罪，並得到雅典娜的寬恕.冥界一役偽裝冥王前鋒,與其他死去的聖鬥士一同重返聖域,為女神而戰.
        出生地： 希臘 
        修業地： 希臘聖域
        星座： 雙子
        年齡： 28
        身高（cm）： 188
        體重（kg）： 87
        生日： 5.30
        血型： AB
        絕技：幻隴魔皇拳、異次元空間、銀河粉星拳

聖衣神話Appendix – 天馬座星矢胸像

聖衣神話Appendix – 天馬座星矢胸像是在2007年3月發售.附有兩種不同表情.及一片有裂痕的左肩聖衣替換.但今次這盒胸像有點兒偸工減料,背部聖衣只用軟膠來連接兩肩,加上實在太多以星矢樣為題既神話推出,所以已没太大驚喜了.(P.S.自己也是在近日以不用40元的價錢入手的.)

Box Art & Packing

天馬星座聖鬥士

  姓名：星矢 Seiya
  年齡：13歲
  身高：1.65米
  體重：53公斤
  生日：12月1日
  血型：B型 出生地：日本
  修煉地：希腊聖域
  師父：天鷹星座魔鈴
  絕招：天馬流星拳、天馬彗星拳、天馬回旋碎擊拳

S.H.Figuarts – 笛子魔童

對於S.H.Figuarts及龍珠迷來説,今個月出既笛子魔童絶對係期待之物.自己亦不例外,所以尋日一見有貨即入.

Box Art & Packing

高約15CM,因全膠製,所以比擁有合金部件的拉打系列輕身好多.上色及QC均令人滿意.至於在著色上是參照漫畫版,但手件則有五隻手指,究竟呢個bug要幾時至可以修定好呢?

全身用上二重關節及balljoint,鬆緊度亦適中,加上腹部及股間雙脚關節可拉長少許以増加屈曲角度,所以可動性相當不俗.

配件中有三種替換頭件, 包括:包著頭巾,脱去頭巾,及咬牙切齒的表情.而觸角是軟膠製,不怕折斷.

披肩同樣用上軟膠,胸前位置則有兩種替換件,以方便做出撟手動作.

替換手有七種,包括用來施展必殺「魔貫光殺砲」的右手,算是相當豐富.

不論可玩性及可動性表現都非常滿意的一件龍珠産品,黎緊一月將推出超西悟空.睇怕Bandai好快會將此系列化,呢條血路相信有排行了.