天元突破 BE@RBRICK

純為天元突破而抽,仲要俾我一抽即中,lucky!!(其實中呢隻個百分比算幾高吓,係屬於易抽既一隻)

仲有張咭送添!!

S.I.C. - 幪面超人CHALICE WILD FORM

基於對隻魂nation超限定CHALICE充滿怨念,但現在要找一隻全新的相信非天價難得.於是昨日便去皆旺2/F那間專賣S.I.C.的鋪頭買這隻皆旺限定的卡里斯 Wild Form.很多人説該店老細為人很吋,但我幫襯時他詳細地説明如何令關節回復緊度,又開著眼部和心口的開關掣給我看,服務十分之好呢!!

回説玩具本身,外形和原作TV版比較,只作出少許改動,令其造型更見邪惡.

活動能力方面,原先關節是比較鬆的,後經老細指引,用小小白膠漿塗上後,情況已有所改善,但刪除脚掌關節就實在有點不好了.手部配件則有一對造型手及一對握手.

武器方面有 - 醒弓

WILD FORM的獨有武器 - 醒鎌 WILD SLASHER

總算為自己怨念解除,現在就只差隻GARREN JACK FORM.

阿女＆表姐@青衣城

自從青衣城整左個企鵝城堡後,就應承左阿女一定要去架啦!!最後終於今日同埋表姐一齊去玩.我地朝早先睇早場[荒失失奇兵2],套戲都幾好笑!!之後就約左婆婆係稻香飲茶.飲完茶即刻去參加個整禮盒既攤位玩,睇佢地幾有心機聽講解!!

係整緊盒既期間見到隻企鵝公仔出黎同人影相,仲吾即刻攬住佢!!

整完個盒就入去個企鵝城堡喇!!入到去當然要影多D相啦!!

臨到最後仲有飄雪睇添!

阿女&表姐@數碼港聖誕嘉年華

今朝早我地先約左爺爺嫲嫲飲早茶,阿女仲同表妹交換聖誕禮物添!!

跟住就搭船過中環,而家個新碼頭係就係靚左,但始終覺得吾及以前果種舊有景色了!!

係IFC坐30X巴士,大約二十分鐘就到達我地既目的地 - 數碼港!!今年數碼港搞左個名為[數碼港聖誕嘉年華2008],開放日期由20/12/2008至1/1/2009.大部份室外遊戲都係吹氣彈床,對阿女同表姐黎講當然係非常好玩啦!!

一入場第一個玩既就係[登陸大包山]!!

跟住玩[巨人滑雲梯]!!

再玩相信係全場最好玩既[旋轉大滑梯]!!

兩位靚女仲上埋大電視添!

有聖誕老人表演魔術,睇吓聖誕老人係阿女度借魔法添!!

玩完室外玩室内,商場整左個巨形彩虹池,連D金幣都巨大化~

又黎表姐既強項 - 電擊棒棒!!仲得到黄奬添!!

終於玩到差吾多六點先至玩哂D遊戲券,可以周圍行吓,睇吓日落!

跟住出返銅鑼灣麻布茶房食聖誕大餐!!

足足玩左成日,九點幾先至坐地鐡返屋企,成個人好似散哂啊!!

阿女＆表姐@平安夜

今日係平安夜,我地响屋企食完晩飯後,就返去舊居搞既聖誕Party玩喇!!

今年D攤位遊戲同上年差不多,但係D禮物就渣過上年囉!!不過好好彩(出貓＋運氣)中左三個公仔俾阿女同表姐,跟住阿女仲同Leo走去跳左兩次彈床添!!

除左玩之外,我地仲見返幾位舊鄰居,少不免大家聚吓舊傾吓計!!

最後我地係KFC食埋個宵夜先返屋企!!Yeah!!