亞洲遊戲展 + 高達世紀展覽 2008

今日約左Wilson一齊行街睇show,我地先去亞洲遊戲展2008,今次真係可以話咁多屆之中最差既一屆!!入到會場除左Sony擔大旗外,就只係得十幾個賣記憶咭,膠刀既完全同game無關係攤位,真係離哂譜!!

不過既然一場黎到,當然要試吓d新game啦!!隻Street Fighter IV將於二月推出.今次個試玩版應該都有60-70%,除左冇飛龍,Rose,Dan,元,Cammy外,其餘角色都可以用.用軍佬玩左一鋪,個手掣真係好難出招,睇怕game連joystick一齊入真係無走雞!!

Biohazard 5就三月出,勁吾慣個操控,而且已經冇恐怖既成份,係一隻百份百既action game,對呢個改變真係有少少吾鍾意,不過都一定會買既!!

至於剛推出既高達無雙2,當然係好多人試玩啦!!

我地係會場行左個半鐘到,就已經冇任何野値得我地繼續留低,於是就搭過海巴去紅磡睇高達世紀展覽2008.一去到個場已經見有兩位靚女,當然第一時間影相啦!!

會場今次特別整左個台詳細講述阿寶同馬沙既故事.不過對於Gundam迷黎講真係掉返轉頭講都仲得.

至於現時大熱既Gundam OO,我就淨係影左剛推出既 Gundam OO + O Raiser.1/100個比例真係幾好,不過真係有D擔心係咪真係企得穏!!

至於Gundam UC,就有原畫睇!!

當然吾少得就黎出既MG新安洲!!隻野真係好靚,搞到我都有ｄ心郁郁.另外行貨初回特典仲送大大個金牌,真係吾講得笑!!