終於都高清左啦!!

終於輪到我地住果區有高清啦!!屋宛仲好快手裝埋天線添.既然係咁,尋晩機都唔打都要搞掂個機頂盒啦!!我地就揀左Eight HD838(俗稱8仔).

雖然送左條HDMI線,但我部電視個HDMI位一早就俾左PS3,所以個機頂盒用色差輸出,一樣出到720P同1080i.而家接收到四個標清台,高清翡翠台,J2及互動資訊台,至於其他台應該六月尾都有得睇架啦!!因為以前一路以黎接收既畫質都比較差,而家有左高清,畫質當堂唔同哂,真係Very Good啊!!

P.S. 特別鳴謝TN幫手.佢幫我地,阿媽同佢自己,去鴨記一口氣抬三部返黎,先至有discount炸!!