在自己的收藏品中,有兩件係自己一直好好咁收藏.佢地唔係d咩野超合金,而係一幅畫和一個簽名.兩幅同時間都係96年漫畫展時入手的,已經收藏左成十二年啦!
先説這幅,是日本著名漫畫家井上雄彦的簽名.諗返起當年攞呢個簽名真係有d好彩,我同個friend一起去排,記得當時天下搞個排隊都幾混亂吓,仲突然間話截龍,好彩我就入到去,我個friend就慘囉!!比人迫左出黎!!到輪到我揸住張簽名版俾井上簽名時,個心情真係好興奮啊!!所以一拎到返屋企,即刻就用個Puzzle架表起佢啦!!
至於呢幅就係我地香港既著名漫畫家邱福龍先生所畫既小魔神主角-冥泣.自己一向有睇港漫既習慣,同其他人一樣,由鐵將開始就睇龍少D漫畫,睇到而家神兵4仍繼續支持緊!!記得當年排隊時自己啱啱排最尾,龍少可能見我係最後一個,又揸住咁鬼大塊畫布俾佢嘆,都知呢條友仔吾係淨係攞簽名咁簡單架啦!!果然一聽到我話可唔可以劃幅畫時,即時諗都唔諗,就已經開始落筆!!將近埋尾時,龍少仲開金囗問我：「你叫咩名呀？」,跟手就寫上To ANGUS呢幾個大字上去,嘩!!真係開心到不得了!!呢幅屬於自己,獨一無異既小魔神頭像畫就咁誕生,真係有錢都買唔倒啊!!
小魔神我都勁中意,下次俾我個幅你睇下,
回覆刪除[版主回覆06/24/2008 22:09:00]期待期待!!淨係睇你頭像果幾幅已經 唔簡單啦!!
井上雄彥果張真係超正呀~~~
回覆刪除[版主回覆06/25/2008 22:13:00]所以我一直都keep得好好架!!
騎騎....同你標題一樣,都係另類收藏o者,
回覆刪除龍哥呢張小魔神畫得很好呀!!
回覆刪除下次俾我個幅你睇下,
係呢..話時話,,請問c兄點標起d畫板嫁(即各下呢張小魔神),keep左十幾年都冇黃點...可唔可以教路一下?
[版主回覆08/12/2008 19:23:00]只係用包書膠包住咋!!