對於有返咁上下年紀既幪面超人迷黎講,幪面超人Black絶對係大家既童年回憶之一.想當年係亞視播映時,真係集集追兼録起留念.早年Medicom推出第一隻12吋時,因為炒得好勁而卻歩,後期就買返隻雀仔廠細比例玩住先,到今年年頭,終於等到Medicom公佈推出Black12吋 DX版,二話不説即時落訂,到尋日終於有貨攞,拿上手一刻真係非常感動呢!!
Box Art & Packing
因為個盒包哂膠,所以冇得即場check,好好彩成隻既QC都OK.上色冇出界,胸甲及心囗標誌都好完美.配件有兩對手替換.至於Black既另一特徴-生化肌肉,都算可以接受.但個手睜位略為長左D,同埋膝位既生化肌肉竟然用油畫上去就真係離哂譜!!
複眼既表現不俗!另外條頸既假皮有少少摺起,但都唔算係好礙眼.
變身腰帶幾精細,至於粒王力鑽如果可以鮮色返少少就perfect啦!!
活動能力方面,因為件衫貼身,令到隻手屈唔得好盡,未屈到90度就會回彈,下身就冇咩特別.
老實講,今次呢隻Black真係唔可以算最完美,Medicom其實可以再出好D!!但對我黎講,因為真係苦等多時,加上係圓左自己一個心願,所以對隻Black係滿意既.當然黎緊既影月,RX都一定唔會錯過啦!!
好快手wor!
回覆刪除我諗緊買唔買隻sic 電王(劍),12"咁貴,暫時買唔起喇.
[版主回覆11/09/2008 08:51:00]童年偶像喎!!緊係要快手啦!!
[惡魔mode]隻SIC電王好好玩架!!快D買啦!![惡魔mode]
(路過惡魔mode)SIC電王真係好好玩架!!快D買啦!(路過惡魔mode)XD
回覆刪除[版主回覆11/09/2008 23:40:00]大家一齊做惡魔啦！
好正!!12吋禁貴暫時買唔起!!放棄了!!
回覆刪除[版主回覆11/09/2008 23:41:00]鍾意無計啦
嘿嘿~
回覆刪除我也有入手呀~ (不過未影相~~)
Black 也是我孩提時代的摰愛之一呀~~
[版主回覆11/10/2008 10:38:00]今朝睇你頭像就知你入左
等緊你寫既報告!!
都係我童年偶像, 可惜, 太多問題....
回覆刪除[版主回覆11/10/2008 17:30:00]如果同近期另一款玩物-柔王丸比,呢隻已經算小問題,隻柔王丸QC真係好有問題,完全買吾落手......
Wahahahaha~
回覆刪除你真細心~
咁都比你留意到~
另外...
你隻 "Black" 的頸子...好似短左少少咁既...??
[版主回覆11/14/2008 12:50:00]其實影完相睇返我都覺,但實物吾係咁既!!可能角度問題掛.....
Have you pre-ordered the Shadown Moon? 5 more months to go....
回覆刪除I've ordered it @ fixed price 1680 so I am selfish enough to hope that the yen rate stays high until then (makes me feel more comfortable to pay this price for a 12" figure).
[版主回覆12/15/2008 14:25:00]隻影月我都訂左,同你個價差吾多啦!!