兔年大年初四

今日大年初四,終於可以抖抖唔洗去拜年,一朝早去左睇早場「我愛香港開心萬歳」,都算OK好睇啦!!

跟住就到今日既主打節目「大埔林村許願樹」.食完晏後約埋嫲嫲坐車去到大埔墟,再轉巴士64K.係巴士站遠遠已見人龍,好彩唔洗等好耐就上左架可以不停站既特班車,以為可以好快到目的地啦,點知去到康樂園附近開始塞車,足足塞左超過半粒鐘先落車....(好彩有位坐,唔係真係企到脚軟!!)

呢棵就係真既許願樹啦!!

我地去到已經差不多四點,但仍然人頭湧湧呢!!

20蚊一份寶牒,有選擇題俾你任揀要乜願望,當然可以自己再寫上屬於自己既願望啦!!

好努力咁「作文」!!

假橙黎架!!

準備就緒,可以拋啦!!嫲嫲好勁拋一下就搞掂啦!!跟住阿女同表姐都係幾吓就中了.係我同Ava就拋左好耐,差不多成五分鐘先成功.(我個份後黎仲跌左落地,好彩表姐幫我執返再拋過!!)

個許願燈我地冇幫襯(見D工作人員轉完一個圈就掉走了.)

拋完寶牒,可以去旁邊睇吓花車.

一場黎到梗係要週圍影相留念啦!!

大約玩到五點幾就坐返車出太和(好快5分鐘都唔洗),同嫲嫲食埋晩飯就返屋企囉!!