C3日本動玩博覽2011遊記

尋日特登請半日假,約埋Wilson食埋lunch就殺入會展睇睇「C3日本動玩博覽」. 可能因為係weekday,人龍未算太過嚴重,三點開幕大約等五分鐘已經可以入到會場.

比起兩年前在九展,今年移師到會展,場地真係大左好多,行得好舒服.一入門口見到角川,内裏賣既漫畫同精品都唔算太多,好快就出返黎!!

B-Club賣既原裝改件真係好貴!!

行左一陣度要去表演台霸位睇AKB48,但真係好多人,所以個位都幾後吓…等到4點,三名成員:藤江れいな,大家志津香及岩佐美咲準時出場獻唱,再接受訪問,我地睇完個訪問就冇睇,繼續去行其他攤位了!!

之後就行去Bandai攤位,隻限定新安洲好快賣哂,梗係啦!!個個三盒三盒喎!!咁只好買Unicorn啦!!點知排到一半工作人員大大聲聲話連Unicorn都冇埋,真有D失望!!

既然買唔到野,只好再周圍逛逛啦!!見到有銀魂T-Shirt,如果平$50的話我都會買返件!!

Volks既五星模型真係平,耐何今個月買左3DS大出血,只好忍忍手了.

係壽屋見到有EVA筷子,但冇得賣,可惜……

因為要等睇UC第三集而又未到時間,所以去左睇試玩Gundam Vs Gundam,暫時覺得Lockoff部機幾好用!!

再周圍逛逛,再影吓相!!

無無聊聊又返番去Bandai攤位,驚見内裏放左十幾盒Unicorn,有冇搞錯!!!即刻排返隊,人龍都唔算多人,最後終於都俾我買到!!講開Bandai真係好火,放流料話賣哂貨不特致,連個魂展一半都未setup好,睇吓睇吓!!班工作人員仲係度砌緊模型咋!!

終於等到六點,先前Facebook搞個UC第三集首播抽入場券抽唔到,諗住企係度啦!!但見場裏餘下頗多吉位,已經留意緊會唔會放多D人入去充撑場面,果然俾我估中,可即場排隊入坐,快快歩去排隊入場,坐定定欣賞第三集!!唔係講笑!!今集真係堅好睇!!兩場戰仗都十分緊湊,絶對値得一睇再睇!!之後輪到原作者福井晴敏出來接受訪間了.

跟住我地都離開會場去食晩飯了.相對於兩年前,今年的確搞得幾好,宣傳足又請得多名出名的嘉賓來撑場,比起毎年暑假那個又有Online Game又有信用咭Promote既動漫節,現在這個才是真正的動玩博覽.另外在場内亦令我感受到日本人對顧客的熱誠, 就像我在衰記話放流料話賣哂貨果件事,換來的只是一句「你而家咪一樣買到!」呢種只是認錢唔認人既態度!!相反我在Volks的攤位,雖然我冇幫襯,但那名日本工作人員仍仔細介紹毎一産品,又詢問我對其産品有何期待(我當然係表達出想出最強幻象啦!!),我又見到有位人兄買完銀魂後,工作人員十分樂意和他合照來一起分享喜悦,這份大同在香港真是甚少見到呢!!