悠閒的Lunch Buffet

自從阿女上左小學後,我地好多時攞假都係為左同佢温書,二人世界既日子已近乎絶跡了.早前Ava因星期六返工,所以今日攞返補假,咁好自然我都要攞假陪佢啦!!諗黎諗去去邊度好??Ava話不如去東涌啦!!(即係暗示俾我聽,想去食佢想試好耐既buffet啦!!)於是乎今日去左諾富特東薈城酒店Essence食Lunch Buffet,阿女當然有詐哂型啦!!所以應承左下個月再去一次!!

今日係閒日,但都算頗多人,有八成滿.先黎既有刺身.三文魚好好食,而且切到厚薄適中.

壽司麻麻地.

冷盤有阿女既至愛:冷麵及煙三文魚.

有翡翠螺和藍貝兩款.

最唔吸引係呢盆燒味,食都冇食!!

即炒意大利粉好好味,一定要試!!

烤牛仔肉及烤羊腿,牛肉好味d!!

熱盤都有好多款:有點心,羊架,鴨胸等,整體來說不過不失.

最後的是甜品吧!!多款果批及切餅,又有朱古力噴泉及格仔餅!!

食左兩個半鐘,埋單三百蚊都唔洗,以咁既價錢有咁多野食,真係超値!!跟住係東薈城outlet行左陣,就去接阿女放學了!!