Ava 生日@EL CID Spanish Restaurant

今日係Ava既牛一,原先一早book左位入赤柱食德國豬手,但諗過係赤柱食完返黎屋企既路程十分遠,以我呢個唔係咁搭得長途車黎講,食到飽一飽隨時空肚落返車....所以就尋晩book過第二間,去銅鑼灣食街間EL CID Spanish Restaurant食西班牙菜!!

頭盆先黎一個西班牙風腿多士,風腿加上蕃茄蓉味道好match!!

小食有炸魷魚圏同白飯魚,口感上白飯魚好味D

飲品係Vinger Colada,阿女搞笑到話似思樂冰喎!!

再黎係雞肉風腸炒飯同薄牛扒圓扁麵,不過Ava話味道一般,前者太油,後者太鹹.

最後係甜品,阿女食椰子雪芭,好好味,D雪芭食唔到一粒粒雪,好滑好甜!!

Ava同我就食芒果酥皮批,又係好好味!!上菜時仲有Live Band伴唱生日歌同點左首Yesterday聽,好有氣氛呢!!

準備埋單時有職員sell入會,可以即時用coupon,再加上15% discounts,抵哂!!

返到屋企仲有切蛋糕環節!!東海堂呢個五層朱古力蛋糕都好重朱古力味,岩哂我同阿女!!今晩真係好難忘,好飽,好滿足呀!!