撇甩阿女

兩日陪左阿女,尋日輪到我地兩公婆去玩.朝早先去睇早場「那些年我們一起追的女孩」,内容不多講了,好多野要睇過至真心感受到,總之係一套有笑有涙,充滿好多回憶既電影!!絶對値得入場一看!!

係畫班接返阿女後,就出旺角聽中學講座,仲約埋兩位家長一齊入去.但因為内容原來唔係我們想聽果啲,所以聽左陣就早走去返教協掃貨!!

到左夜晩,AVA公司免費請員工去海洋公園全城哈囉喂玩,仲要係至尊門票加埋食飯兼可以攜眷出席,但問過阿女同表姐都怕驚死都唔去,咁唯有我地兩公婆去啦!!

六點去到門口已經超多人,先會合佢地班同事係大熊貓餐廳食晩飯,原本以為啲食物會係核凸造型,點知都係普普通通,有啲失望!!快快脆脆食完就去玩囉!!

因為係至尊門票,所以基本上好多都好快玩到,如果係普通飛,冇返大半粒鐘以上都幾難入去...先去惡夢潛行睇3D,老實講句:好悶!!

行過亡魂棺材,因為要自己一個行,AVA話驚驚唔入,所以去第二個鬼屋清宮殘異録,都係啲夾手夾脚斬腰等等啦!!驚嚇度一般!!

再去腥級片場,打麻雀果度好好笑架!!

坐纜車上山,行過舞台睇左場show,攞東華做題材扮鬼扮馬,又係幾好笑架!!

跟手去玩埋猛鬼尾班車就走人囉!!

套票包有份禮物架!!