自從阿女上咗小學之後,我嘅打機時間亦隨之改變,好多時我都會等佢訓覺至開機,(同我打過嘅機友都知我10至11點後上線)所以音量會調到好低,梗梗聽到小小音就算,當然係會失去不少樂趣,但總好過冇得打同騷擾到家人就唔好啦!!直至近日睇Game書介紹一隻由PS出嘅原裝Wireless 耳筒「PS3 Wireless Stereo Headset」,有模擬7.1,仲有埋mic可以voice chat,即時搜尋吓啲用家report 睇吓堅唔堅,見JK兄大力推介,於是前日即去188入貨(全場最平$590)
叉足電即插入USB Wireless 落PS3 度,完全唔需要set 野,一插即有聲!!先用猛將傳試,但隻game太嘈好難試得清,跟住開GT5 試,嘩!!真係不得了!!Engine 聲清,距離感亦表現得非常好,真係揸起車黎都特別醒神!!尋日再用剛入手嘅「Batman Arkham City」試(多得Johnson兄介紹,唔係都唔知隻game 咁正),音效簡直正過睇碟!! Voice chat 我未有時間試,遲啲有機會一定試埋.耳筒音量大約分小中大三級,開到中級已經好勁,個電視機直頭可以mute左佢!!但注意戴上後都幾隔音,有人係你耳邊大嗌火燭都聽唔到架!!另外個耳筒唔算好重,戴得幾舒服,!!而且仲可以用黎睇Blue-ray,又可以插落PC,Notebook 度,(都係唔洗set 野,一插即用!!JK話連Mac機都用得,不過要set 少少野),咁嘅價錢咁多用途,真係抵玩到不得了!!
Batman係好東西!!!
回覆刪除隻Headset我有諗過買,不過今個月買kara都買窮我.....
[版主回覆10/19/2011 21:26:12]Batman第一集我冇玩到，今集真係要玩返夠！
我唔知點解，由細到大都係對打機興趣唔多大...:p
回覆刪除[版主回覆10/21/2011 21:04:33]哈哈!!我同你剛剛相反XD
Hello, Angus! I am back... again! Yes, Batman is a very good game!
回覆刪除I am also working on the Dark Soul... ...
[版主回覆10/26/2011 19:17:21]Dark Soul 我怕要放好多時間落去,唔敢玩....
我同ANGUS兄相反,我打機多數較去MUTE......
回覆刪除[版主回覆11/01/2011 00:28:41]打mh或rpg我都仲可以冇聲，但打Bio 或 MSG 就真係唔得冇聲！