生日後的餘慶節目

尋日阿女學校旅行,今日就放假唔洗返學,所以我地都特登請假放鬆一下!!朝早阿女約埋班同學一齊傾(玩)科探project,之後就入東涌諾富特東薈城酒店Essence食Lunch Buffet!!

唔知點解平日都可以坐滿(好彩一早定位),阿女當然係起勢咁食三文魚同雪糕啦!!

食飽飽行一陣東薈城,就出返深水埗同阿女搞兒童身份證(今日請假嘅主要目的)!!我地預約左四點三,可能接近收工時間,所以佢地都幾趕吓,唔洗二十分鐘就搞掂走人!!跟住出返旺角上教協掃貨(問人借左個証),再上爺爺嫲嫲屋企食飯!!

因為尋晩食得太飽,所以就留返今日落樓下間甜品屋食蛋糕補返數喇!!

P.S.聽日輪到我地兩公婆嘅節目喇!!