台北吃喝之旅2012@Day 1

呢幾年去亞洲旅行,熱門地方:日本,泰國,韓國,新加坡都去左,但就有個好近嘅地方未去過:就係台灣喇!!因為未去過,加上唔夠時間plan行程,所以決定跟團.於是我地一家三口,加上表姐同佢Daddy,齊齊報左永安個台北4天悠閒之旅去玩喇!!

8月10日

行程 : 香港機場～直航台北宜蘭機場～九份～西門町～六福皇宮The Westin Taipei～饒河街夜市.

六點晨吉咁早起身梳洗完就去搭機鐵,七點半會合表姐同領隊,搞好哂啲手續同寄埋行李食埋個早餐就入閘!!

咁早入閘冇野做就梗係篤篤篤啦!!

班機10:30am起飛,飛機餐得份三文治,個半鐘都唔洗就落機,同你去坐火車返廣州差唔多!!

落機後第一件事就係兌換台幣,當日個RATE 3.722,OK啦!!

而家宜蘭機場做緊裝修,要左轉右轉至出到關.攞返行李會合當地導遊,就上旅遊巴前往第一個景點 - 九份!!

由機場到九份,大約個幾鐘車程,沿途都頗多山路,所以落車時都有少少作嘔作悶,不過呢種感覺好快就俾九份景色同小食一掃而空!!

導遊先帶我地入去其中一間手信店試食兼買野,之後就正式入九份老街!!

一入老街就俾間牛肉麵店吸引著,台北吃喝之旅第一餐正正式式開動,即時一人一碗,再加個甜品.睇旅遊書個個都話九份牛肉麵必食,果然冇介紹錯,真係好好味!!

食完個牛肉麵都係半飽,再轉戰其他小食同買手信,逗留約兩個鐘就要走喇!!

坐返個幾鐘車程,返黎市區 - 西門町.行西門町有啲感覺似旺角行人專用區!!

我地試左個苦瓜汁,又唔算苦喎!!

著名手信之一:老天祿鴨舌,可惜我地太晏去到,賣哂...聽導遊講話鴨舌近期超缺貨,已經只限一人買一盒,但都賣哂!!

行到入夜,就車我地去旅行團包嘅第一餐,蒙古烤肉自助餐.所謂蒙古烤肉就係夾好啲牛豬雞肉,自己調味,再由廚師用一個大平底鍋幫你炒埋一碟,另外仲有得打邊爐,表姐同阿女就乘機煮公仔麵食,真係服左佢地!!

食完晩餐都係時候返酒店,頭兩晩我地都係住係六福皇宮The Westin Taipei.房間好大好靚,但一行出走廊望出去就有少少似屋村天井咁...因為房間wifi要俾錢,所以先落lobby玩一輪篤篤篤先.

導遊介紹由酒店坐的士約$150台幣可以去到饒河街夜市,第一次黎台北梗係要去見識見識啦!!

宵夜時間正式開始!!夜市真係好多野食,我地行幾間就試試,食到飽一飽!!

行到尾段,俾阿女同Ava見到最驚嘅生物:一隻米奇横行大街!!佢地大叫之餘即時鷄咁脚走,返到酒店撻落床都成一點鐘,第一日行程就此餘驚下終束!!