8月12日
行程 : 忠烈祠～珍珠養殖中心～台灣伴手禮專賣店～台北101～茶藝館～菁桐火車站～深坑豆腐街～士林夜市～新北投水美日式溫泉酒店
今日要跟返個團玩.個行程好似好多地方去,但其實有幾個都係帶你去買野.冇辨法,跟團就係咁.Set左8點Morning Call,食完早餐約9點半離開酒店.
導遊較啱好時間,一落車冇耐班兵哥就開始交更.係呀!!就係特登黎睇佢地交更架!!但因為太曬,結果得我一個人睇,果三個女人入哂休息室避難!!
等我都操吓兵先XD
跟住就連去兩個買賣場:珍珠養殖中心場及台灣伴手禮專賣店.表姐Daddy果然係老細,連買兩瓶珍珠粉,我地就梗係手禮店度放血啦!!
之後就去食旅行團包嘅第二餐.原本以前呢個團係去鼎泰豐,但而家轉左去間叫做金品小籠包食.食之前導遊講左一大輪故仔,話鼎泰豐點點點得罪左永安老細,所以唔同佢合作,又話而家帶你去果間個廚師係鼎泰豐出身,簡單啲講其實咪係Cut Cost!!
小籠包毎人四粒,唔皮薄都算喇,又冇乜肉汁,蟹粉小籠包就毎人一粒,都ok好食.而其他野除左個炒飯外就真係好麻麻,由其係個酸辣湯,冇味嘅,最後要自己加豆板醬至釣番個味出黎!!Openrice評價:劣
食完餐差勁嘅lunch,剛剛開始落大雨,所以就去左台北101同茶藝館睇野兼避雨,可惜場雨落到我地走都未停!!
開始搭長途車入平溪,好好彩黎到菁桐火車站好好天!!Yeah!!
可能因為套「那些年」關係,就算只係一個火車站,都特別覺得靚過人!!
今個團嘅重點節目放天燈!!因為我地有五個人,可以唔洗同其他人share一個天燈,加上未放過,所以特別興奮開心!!
放完天燈,梗係要行吓火車軌影相啦!!
離開平溪後,我地就去深坑豆腐街.呢度出名臭豆腐,雖然平時冇食開,一場黎到點都要試吓,食落又唔臭喎!!仲好香囗添!!
除左臭豆腐,呢度啲鹹魚仔,腐乳都好正架!!我地都買左幾樽!
因為今晩呢餐唔包,所以車完我地返酒店就速速離開搵食!!酒店好近新北投站!行五分鐘就到.既然係台北最後一夜,一於去多次夜市!!搭捷運好快就到劍潭站最出名嘅:士林夜市!!
唔埋咁多,乜鬼蚵仔煎,官財板等等特色小食,通通殺哂落個肚度!!
食到飽一飽,途經街邊遊戲攤位,表姐「Madam莊」上身玩射汽球!!射剩最後一個波計過仲有一發子彈,點知空發,明顯枝槍做左手脚,搵笨!!
雖然返到黎酒店都接近十二點,但仲有餘慶節目,就係:浸温泉喇!!房間有温泉池浸完舒舒服服撻落床,第三日行程就此終束!!
沒有留言:
發佈留言