因平均毎日打得大約兩個鐘,所以打左成個月,Total Hour先得果65個鐘,而家先至剛剛升到上位,真係打得好慢!!眼見衆團友 ~ 紫苑, Tea, jj 都相繼上到六星,仲要繼續幫我升HR,真係唔該哂你地!!
講返隻game,系統上和之前差不多,全新既地域及魔物亦帶給人新鮮感!!但今集升HR要儲point既方法其實頗煩.下位閒閒地升一級都要打上三四場,上到五六星更可能要打十場八場添!!無可否認咁樣可以増加遊戲既耐玩度.但要不停重複打有時都會覺得有少少乏味.另外不論魔物及武裝均比2G少,有D覺得好似趕住出咁,唔知Capcom係咪想舖定後路出3G呢!!但以上缺點對獵人fans都唔算太緊要,最黑人憎係連線不穏定,經常斷線,一係就一開任即斷,再唔係就打到一半又斷,有次仲試過打完海龍掘緊素材先黎斷,白做!!真係打到人火到黎!!
最後再一次鳴謝團友紫苑, Tea, jj.多得你地唔怕乏味陪我升HR,唔該哂!!知道你地大有可能唔續期打,雖然覺得有D可惜,但係呢廿日入面見識到紫苑用長槍既高技術, Tea & jj既太刀走位,自己亦獲益不少.我就已用2,000point續期三個月,繼續狩獵生活!!希望遲D出PSP版時,有機會再同你地一齊打啦!!
你真係都好忙下 bor~~
回覆刪除[版主回覆09/04/2009 09:16:00]忙到近呢兩個月入既玩物全部未開及影相,嘻嘻!!
好耐無打機....
回覆刪除[版主回覆09/04/2009 11:25:00]唔試吓買PS3剛剛出既高達戰記,有7號機,又有得 4 on 4 online對戰,我都考慮緊買唔買!!
我會房,不過9號先房,因為有鐵碎牙. 順手空幾日玩下ps3 今日有大風沙(上位峰山),你約唔約到人大.我想打.唔係有排等
回覆刪除[版主回覆09/04/2009 17:54:00]梗係想打啦!!我岩岩已約左 j j 喇!!
續 字變左 房字XDXD
回覆刪除[版主回覆09/04/2009 18:02:00]好高興知道你續期!!剛剛問過Tea同 j j,他們都話續,不過要12號.Yeah!!可以繼續狩獵!!
近兩,三日成日判斷錯誤. 有次同JJ打6星海龍,中左大放電,起身收槍再中,死左..(其實擋應該會無事) 第一次打煌黑,唔知會落冰柱,爆擋,死左. 不過5星開始要搵團打就真,一個人打一場好耐. 5星前係3,4緊急搵團打,其他我都一個人攪掂. 4緊急如果當時換到槍都可能得,但係打極燈籠漁都唔出高級提燈.所以搵團打算.
回覆刪除[版主回覆09/04/2009 21:23:00]初初打PSP MHP2時我都係一個人打多.識左Tea同 j j 先多左團戰!!
CAPCOM係咪想我唔續期.... 今晚打六場煌黑,三場斷線. 難為班團友打到中途變3打1.
回覆刪除[版主回覆09/05/2009 09:31:00]我尋晩都斷到嘔
呢半年來忙到嘔! 原來你地玩緊MH3!
回覆刪除[版主回覆09/29/2009 09:19:00]係啊!!雖然無咁多怪,但都算好玩!!