動漫節2010遊記

尋日短週,咁岩Wilson又問我入唔入動漫節行吓,見有時間,於是就走左去會展.我地大約十二點半入場,果陣時都唔算多人,唔洗排隊就入到場了.

因為今年天下冇樣野岩,所以多左好多時間週圍行.我地決定先入Bandai個展館.入面展出頗多新品,而且仲有個試玩區,誠意絶對好過上次係奥海城既Tamashii Show.(詳情請看聖鬥士星矢篇,Gundam篇及S.H.Figuarts篇)

呢條新Product Line 「Super Robot 超合金」就咁睇實物,都仲未睇到合金成份有幾多,但玩effect既parts就頗多,可玩性應該唔差既!!

9月推出有SIC既強者及甲蟲女,不過我只買平成拉打,所以skip既機會好大,相反「Manga Realization強化外骨格-零及雷電」就好得,由其係雷電,中到應一應!!

跟住就去睇電撃,因有圍柵,又有人流管制,所以行得好舒服.好記得舊年多人到根本迫唔到入去影相,相反今年,見我影左咁多相,就知我地行左好耐吓!(其他相請看電撃作品篇)

之後開始逐間巡吓.去到Square Enix,竟然見到有Play Art隻蛇叔賣.雖然限定版賣哂,但仲有原色版,而且個價平過現時市面既炒價,諗都唔諗即入!!

Toy Story咁Hit,Medicom同Hot Toys梗係順勢宣傳佢既産品啦!!

Alter隻Linebarrel真係好貴,得個「恨」字....

年年越一都有人排幾日既手辨,究竟有何吸引之處呢???

Enterbay推出風雲6吋可動figure,面相真係麻麻,而且關節好鬆,仲要賣到咁貴,咪搞我!!

今年個會場大左,好行左,結果少有地行左四個鐘先走人!!下面就係入場既收獲,我三件,阿女三件,大家開心啦!!!