玩碰碰車

今朝同爺爺嫲嫲飲完茶,原本諗住去美食博覧行返轉,但最後都係因為怕太多人而取消,改左去黄埔既冒險樂園玩!!阿女仲終於夠高,可以自己一個人揸黎玩添!!

玩完撞到頭暈暈添!!

夜晩就出返旺角新世紀廣場食印尼菜,間餐廳個名好簡單,就係叫「印尼餐廳」!!

阿女既至愛 - 印尼炒飯!!

大過阿女塊面既蝦片!!

開黎見我!!

平時食泰國既炒金邊粉係酸酸甜甜,印尼版就有胡椒粉味,都唔算太辣!!

最辣係呢碟炒貴刁,真係食到出哂汗.

要即刻飲返杯椰汁先得啦!!