跨年度首爾玩雪之旅2012@Day 2

2012年12月30日

行程 : 阿爾卑斯豪華滑雪度假村～Ocean 700温泉水世界～Holiday Inn Hotel & Resort

尋晩黒麻麻乜都睇得唔清,今朝一開門見到眼前雪景,真係嘩左一出黎,仲要落埋飄雪添(真係五角形雪花形狀架)!!

快快趣趣食完個早餐就不停影相囉!!

離開小木屋有段小插曲,話説因為有車阻擋山路關係,結果雖然八點幾上旅遊巴,但搞掂埋租滑雪衫及眼罩到達滑雪場都成十一點...

呢日全日都係留係阿爾卑斯豪華滑雪度假村玩,識滑雪可以坐吊車上山,咁我地呢類新手就梗係留係山脚玩啦!!阿女未試過滑雪,都幾有興趣!!第一次滑已經可以攞到平衡,又識得轉左右方向,不俗不俗!!

午餐係自費,我地滑到四點幾就返酒店,今晩就住係滑雪場内嘅Holiday Inn Hotel & Resort,間房好正架!!

跟住就攞齊游衣,行五分鐘去Ocean 700温泉水世界!!入面好似水上樂園咁,有人造浪,大型滑梯等(不過要自費著救生衣),超好玩!!玩到咁上下再去浸埋個温泉,個成個人鬆哂!!

今日真係由朝玩到晩,而晩餐就食魷魚烤豬肉,有D似打邊爐,係咁冷嘅天氣下食真係特別好味,而食完都要返酒店,結束第二日行程了!!