2012年12月31日
行程 : 雪地香蕉船～愛寶樂園～Countyard Marriott酒店
尋日玩足成日雪,今日唔夠皮繼續玩落去,離開酒店開前先食個吉列豬扒烏冬暖暖胃先!!
第一個玩點車左我地去一個好似大棠茘枝園咁既郊野公園度飼吓羊羊先!!啲羊都應該幾肚餓吓,未行到埋去已經伸定個頭出黎!!
飼完羊羊就玩刺激野:雪地香蕉船!!用架雪地雪單車拖住大型橡皮艇玩.我地背向咁坐冇咁食風,條雪路當然要凳凳吓,間唔中撞吓邊位至夠刺激架!!不過真係好凍,帶左手套都可以吹到隻手赤痛!!
雖然好冷但有得玩就唔怕,再玩埋坐水泡瀡冰梯,呢個阿女同Ava都超鍾意玩!!呢度原本有拍到片,點知冷到連部IPhone都自動熄機,真誇張!!(事後至知當日係零下二十度,係入冬最凍一日!!)
跟住去第二個玩點:愛寶樂園.因為已經係第三次黎玩,所以都係玩返啲同雪有關嘅遊戲,再悠閒咁周圍影吓雪景!!
玩到接近五點至離開跟住就出返首爾市區食晩飯,今次係放題火煱!!
之後就返Countyard Marriott酒店,雖然今晩係大除夕晩,但Ava話玩到好累,阿女又話要睇直播K Pop,所以就留係房度倒數,陪阿女睇電視睇到兩點至訓啦!!
這些日子跟團去,比平時貴幾多呀?
回覆刪除我層想過,去韓國玩4日3夜,只玩滑雪浸溫泉果隻!
[版主回覆02/18/2013 11:19:31]我地問過自由行package,平均一人要差不多一皮野,貴過跟團好多!!暑假我地都諗緊去大坂自由行,見日元平返好多呢!!!
[AJ皇回覆02/18/2013 10:56:35]我是想自由行的,不過,暫時諗頭打消了,明年先la,今個復活節就多數去長隆,暑假可能去東京
[版主回覆02/18/2013 10:52:30]平均毎人貴平日$1000-$1500,去4日3夜,只玩滑雪浸溫泉果隻平日應該三千已有交易,不過我都有少少怕怕平日報團,驚開唔成團又要改假.....