跨年度首爾玩雪之旅2012@Day 5

2013年01月02日

行程 : 紫菜博物館～明洞～韓國零食品專賣店～香港

終於黎到最後一日行程囉!!今日主要係買手信,咁黎到首爾最佳手信就梗係紫菜啦!! 黎到呢間紫菜博物館,除左簡單介紹紫菜嘅製作過程外,當然唔少得有各式各樣唔同口味嘅紫菜俾你試食同選講啦!!

跟住就到阿女最期待去嘅地方:明洞.因為呢度有間佢K POP偶像做品牌嘅朝聖之地SPAO.地下至三樓係賣衫,阿女梗係志不在衫,而係週圍掛滿Super Junior嘅廣告同人形紙牌啦!!

之後就係令佢瘋狂,位於四樓嘅Everysing!!上一次係台北間分店好細,果然黎到正宗店真係又靚又大,而且任你影相,當然興奮到不得了!!

而阿女黎Everysing嘅最大目的,就係呢部獨家嘅貼子相機!!可以揀同不同組合影,至於阿女就梗係揀Super Junior同東方神起啦!!不過至於同邊個成員影喎,我就真係唔多識喇...咁除左影相外就梗係要係度大出血一番啦!!

阿女完成任務後輪都輪到Ava嘅shopping時間!!

我地黎首爾呢段時間適逢少女時代推出新碟,所以好多地方都見其宣傳!!而咁啱呢間商場仲請到幾位成員到場,但可惜係我地時間唔啱,等唔到佢地黎已經要趕住走囉!!

離開明洞就去食午餐,呢餐又係自費,食燒烤自助餐,種類都幾多架!!

黎到最後一處地方:韓國零食品專賣店!!基本上係超級市場多過似零食店,種類多到睇唔哂,而且唔洗買好多都有得pack箱,服務幾好.

終於都要離開首爾去機場.因為大韓限制毎人只可以寄一件行李,我地兩個喼加箱手信已經夠quota,所以要再pack一pack啲野,都幾麻煩吓!!

呢位就係跟團幫我地影相位韓籍哥哥喇!!

寄完行李就要去搞退税,不過好多人,排左接近半個鐘至搞掂,再用退返黎嘅錢買支swarovski筆!!

黎到候機室見好多人連機師都坐哂係度,就知班機一定係delay了,好彩都唔算好耐,大約十二點就返到黎香港了!!

後記:對上一次冬季時節去旅行已經係十多三年前嘅事,所以今次黎首爾玩雪真係幾好玩,而且仲俾我地見到落雪添!!不過話時話,白芒芒嘅雪景係好靚,但當你一出返市區就知啲雪有幾邋遢...另外想話今次係第一次參加新華旅遊嘅團,覺得佢地嘅安排都唔錯,因為阿女大要俾大人錢,但始終三人行跟團就會安排多出嘅一個同導遊訓,我地報團前都落左mark 盡可能安排返三人房俾我地,頭一晩住小木屋因毎間房得一張床,所以就打地鋪(唔通兩個男人一齊訓咩!!),第二晩Holiday Inn Hotel & Resort 係榻榻米,到第三四晩Countyard Marriott 酒店又真係安排到三人房俾我們,所以成個行程我地一家都可以同房,雖然某情度我地好似蝕左,但始終去旅行一家人一齊個感覺好好多!!至於已經黎左三次首爾玩,下次如無意外都會選擇自由行了.