跨年度首爾玩雪之旅2012@Day 4

2013年01月01日

行程 : 人蔘專賣店～韓國護肝寶專賣店～化妝品專賣店～梨泰院～戰爭紀念館～新村～TIME SQUARE SHOPPING MALL

連續玩左兩日,都係時候去返啲跟團必有嘅行程:帶你去買野!!冇辨法,跟團就係咁.

黎親首爾,幾乎百分百一定帶你去買人蔘,護肝寶同化妝品,所以真係冇乜野好寫,一個朝早去哂三處,一個字形容,悶...

跟住先黎食返個石頭飯!!

終於到自由shopping時間,先去梨泰院,狂掃ETUDE化妝品,係旺角要排隊入,係呢度任你掃,又平過旺角店,兩個女人仲唔狂掃!!我都唔執輸買返件evisu褸!!

之後去戰爭紀念館,上次黎阿女熱到發哂脾氣,今次黎有雪玩,成個feel唔同哂!!

又到shopping時間,今次黎到新村,但收獲唔算太多!!

行到接近六點就車我地返酒店,咁早收隊梗係唔係啦!!我地住果間Countyard Marriott酒店隔離有座大型商場Time Square Shopping Mall.Lobby有lift 可直達商場,非常方便!!

今晩餐自己搞掂!!跟住又係shopping時間,呢間ARTBOX有好多文具同精品,價錢都幾抵吓,阿女同Ava又係狂掃,另外Time Square Shopping Mall 好多店舖都有得退税,最後一晩係首爾當然要黎個瘋狂大出血至收到場啦!!