今次係我地兩公婆第二次去韓國旅行,對上一次已經係9年前既事喇!!當然呢次同阿女表姐一齊去又有另一番感覺啦!!今次報左永安,五日四夜.23號去28號返.好!!正式出發!!
8月23日
原本應該22號晩十點半集合,凌晨十二點起飛既!!點知撞正鸚鵡襲港,仲掛九號波添!!就係因為咁,搞到要第二日(即係23號)一點半先係機場集合...去到機場見到五隻福娃歡迎D來港人仕我地當然吾執輸搵佢地影相啦!!
今次個團有24人,淨係小朋友都佔左10個喇!!真係好似學校旅行咁!!寄完行李,同領隊交代完後,入閘離港!!
班機原定delay到三點半起飛,終於到四點先至出係邊個閘口上機,跟住一路等,一路等....
等到五點,終於可以上機喇!!阿女同表姐仲坐窗囗位,食埋兒童餐添!!
坐左三個半鐘頭機,終於係當地時間十一點,到達仁村機場!!
係機場便利店shopping完後,開始離開機場!!坐左一個鐘車,差吾多一點先返到酒店.第一日既行程就係咁係機場虚渡喇!!嗚嗚嗚....
沒有留言:
發佈留言