韓國之旅2008 Day 5

8月27日

今日係韓國之旅最後一日.食完早餐已即時落樓下爭取時間shopping啦!!

跟住去冬蟲夏草專門店!!Ava原本諗住同個團友一齊夾份買面膜,點知個團友又屈人送呢樣送果樣,結果咪買唔成囉!!唯有買返兩支唇膏補數啦!!

跟住就去新村喇!!呢位就係幫我地影相既哥哥-Juno.佢真係好好服務架!!毎次食飯都幫我地添飯添餸,又剪埋D肉,搞到自己好遲先有野食!!所以佢幫我地影左21張相,我地淨係唔要一張!!本相薄對返港紙要成700蚊,咪當係小費囉!!

好大隻鞋啊!!講起鞋,Ava就勁喇!!一口氣買左5對鞋,好似唔洗錢咁!!

係新村行過少少,就可以黎到專出靚女既梨花女子大學!!呢度周圍真係幾靚架!!

又到食飯時間.今餐係自費,導遊就介紹我地食呢個韓式炒飯,幾好味架!!

食飽飽行多陣新村,就出發去月尾島!!係果度架旅遊巴會駛入去架渡輪,我地就上上層飼海鷗!!

睇吓表姐個樣幾驚!!

阿女仲勁!!俾隻海鷗咬左啖!!哈哈!!

之後就去土産店,我地好似入貨咁,買左成千幾蚊野!!表姐自己都有一箱手信派街坊啊!!

呢位就係司機喇!!係咪有D似獎門人呢!!

財散人安樂後就要離開韓國囉!!我地大約四點半度到達機場.

呢位就係韓國既導遊Suki姐姐喇!!佢幾好呀!!好多野都跟得好足!!最鍾意係佢夾啱時間去Everland,等我地可以玩潑水節巡遊!!

而呢位就係香港領隊Edith姐姐喇!!因為自己帶唔啱叉電插頭,好彩得佢借個私伙俾我地,唔係叉唔到電都幾大劑啊!!

同Suki姐姐講拜拜後就入閘囉!!

呢隻係土耳其雪糕,煙煙韌韌咁!!幾好味架!!

未上機前仲有得做小手工添!!

上到機又有得食兒童餐喇!!

同樣坐三個幾鐘機,返到香港十點半,然後就坐機場快線返屋企!!

最後show一show d戰利品!!

後記 : 今次韓國之旅整體黎講都幾好玩!!食都ok,但住就真係好差喇!!如果下次再去韓國,一定會揀冬天去,因為有得滑雪,浸温泉又舒服D.另外一定要參加豪華團,因為要住好d!!咁當然要等阿女再大D先啦!!因為真係好冬架!!