8月25日
今日去左間新餐廳餐食左個幾豐富既早餐後,就出發去一個阿女同表姐頗為期待既行程 - DIY整泡菜及著韓服喇!!
呢個整泡菜既地方名為「大長今傳統文化體驗館」
先黎整泡菜,材料包括 : 大白菜,由蘿蔔絲,葱,蒜,辣椒等製成的調味料.至於上面果杯係人蔘牛奶,係俾我地飲既!!有少少甘甘地味!!
有請大厨Ava帶同兩位小厨師表姐同阿女黎同大家做個示範.
做法非常簡單 - 將蘿蔔絲,葱,蒜,辣椒等調味料均衡塗在每一層菜葉上,最後用菜葉的最外層反過來包好裏面的菜葉,就大功告成啦!!
對Ava黎講,當然毫無難度啦!
完成！
兩位小厨努力啊!!
表姐整得都有板有眼架!!
完成！
至於阿女都係搵返阿媽幫手好D.
完成！
導遊話唔好攞D泡菜走喎!!因為會搞到架車成陣味,而且話呢D泡菜會拎去老人院,咁就算啦!!整完泡菜後,阿女同表姐已第一時間去揀衫扮靚靚啦!!我同Ava都有著架!!不過Ava話唔俾放上黎喎!!
好靚女啊!!
扮完靚靚,影埋大合照後,就去下一個景點 - 仁寺洞.
呢度係一處好有文化藝術既地方,有好多畫展睇架!!我都睇左兩個,正!!可惜係唔俾影相…
係仁寺洞入面有條ssamziegil 藝墟小村,賣既野全部自家design,幾得意架!!
行完D咁有文化既地方,唔好俾佢停,跟住我地去戰爭紀念館!!
睇阿女個樣就知呢個地方對佢地黎講好悶啦!!
都係我自己睇算喇!!
午餐食餃子火鍋,都ok好食啦!!好彩韓國而家D天氣開始涼返少少,唔係大熱天時食都幾係架!!
食飽飽後就去小朋友期待以久既其中一個樂園 – Everland繽紛夢樂園.
由導遊帶領下,即刻去坐呢D吊櫈,剛好趕得切玩Summer Splash夏日潑水嘉年華!!
呢個潑水節巡遊用左成20噸水架!!睇佢地著哂雨衣都玩得咁開心,就知好玩啦!!玩完之後兩位靚女仲要換衫添!!
係香港絶左種既地球粒粒雪糕,竟然係韓國有得食,仲唔食返夠本咩!!
玩完水後導遊就帶我地去睇動物喇!!
同泰國一樣坐係架巴士入面睇,雖然論size,呢個動物園細好多,但呢度D動物生猛好多!!泰國果度D動物好多淨係識得訓.....
隻熊係真,唔係人扮架!!
睇完動物,導遊又帶我地去玩激流!!幾刺激架!!雖然有塊野擋住D水,但都濕左少少身囉……
之後就自由活動喇!!我地都玩左唔少野架!!先去睇4D電影先!!
臨夜晩仲有個巡遊,不過我地冇睇喇!!睇埋真係唔洗玩!!
個玫瑰園好靚啊!!當然兩位公主更加靚啦!!
阿女同表姐都玩得好開心啊!!
係Everland玩左差唔多四個鐘,但係都覺得有D唔夠時間!!我地玩到連shopping都冇時間!!玩到好肚餓,又到晩飯時間!!今次食韓式燒烤,真係好好食!!我仲食左三碗飯添!!
食飽差唔多十點先返酒店,終束第三日行程!!
沒有留言:
發佈留言