8月26日
今日成個朝早都係去D好悶既地方,一輪衝鋒去左人蔘專賣店,高麗真珠草專賣店,呢兩個地方淨係我地D大人入去,班細路就留係旅遊車度打機,咁當然有領隊睇住啦!!跟住就去紫水晶專門店,阿女同表姐都有去,仲一人買左一條紫水晶錬添,我都送左條俾Ava架!!
行左成朝悶野,話咁快又到午飯時間,今次又係食火鍋……
食完就去行梨泰院,不過真係冇咩野行!!我地行左半個鐘度就走喇!!
之後就行好出名既地方 - 明洞
係咪好似旺角呢！
呢隻32cm雪糕係明洞幾出名架!!味道就一般啦!!係買個綽頭,影吓相jar!!
阿女幾唔願意先肯俾我食一啖咋!
食完雪糕就出發去第二個主題樂園 – Lotte World樂天世界!!我地去到大約五點,個團包Big 3套票,即係可以玩三個機動遊戲!!
一入場我地就出左室外玩先!!
個城堡係咪好似迪士尼果個呢!!
阿女話驚喎!!所以得表姐玩!玩呢個遊戲我地俾張飛個staff時,佢睇一睇就算,冇打洞喎!!Yeah!!lucky!!
阿女當然唔係玩呢D低B野喇!影吓相jar!!
因為出面D機動遊戲都幾刺激吓!!唔係咁啱我地玩,所以玩左陣就返入去室内.先玩獨木舟,都排左半個鐘啊!!今次又係好lucky,俾張飛個staff,佢又唔理喎!!我就慘啦!!要坐前面,佢兩個坐後面,緊係啦!!搵我黎擋水嘛!!好彩都係濕少少……
之後就玩個新機動遊戲 - 法老的憤怒.先行一段都幾長既路,入面D裝修好似行緊金字塔咁!!再坐上吉寶車衝上衝落,周圍當然有唔有少野睇啦!!真係幾好玩架!!我地同阿女一路睇一路0華0華聲!!不過表姐就好驚喎!!成程用件衫遮住自己……
之後玩多兩個遊戲 - 坐火車同激流!!咁原本張Big 3(我地lucky地變左Big 5)套票就玩完喇!!
之後就周圍影相shopping喇!!
係樂天世界玩左3個半鐘,八點半就去晩飯!!今晩食猪骨煲,但真係麻麻地好食,結果返酒店間便利店買杯麵食!!而第四天行程亦結束喇!!
沒有留言:
發佈留言