2009年8月27日星期四

北海道之旅2009 Day 4

718


行程 : 旭川動物園 ~ 富良野花田 ~ 亞斗夢の丘 ~ 菓子王國温泉城


因為唔洗搬酒店,所以可以輕輕鬆鬆咁落去食早餐,而第四日既行程亦正式開始!!



今日可以話係咁多日以黎坐車最長途既一日,差不多毎個景點閒閒地都要坐差不多兩個鐘!!好似第一站既 - 旭川動物園,我地十一點才到達!!係未正式入場時,我地第一時間衝入去門口間小食店,為既就係要買超甜生粟米!!唔洗一陣間就俾我地成團人秒殺左!!




正式入場, 旭川動物園其實唔算好大,但内裏既動物種類出奇地多,真係要睇哂既話可能都要花兩三個鐘!!我地係呢度逗留約個半鐘度,雖然有少少走馬看花,但一些重點推介既動物如長頸鹿,企鵝,犀牛,北極熊等我地都停多一陣睇耐少少!!








場入面仲有不少場館俾人可以近距離觀賞動物,但大部份都大排長龍,最後我地揀左入海豹館!!見到隻海豹係中間個透明管道游過時,個個都嘩嘩聲咁!!好鬼興奮!!




跟住梗係周圍影吓相啦!!





臨走就梗係shopping時間啦!!阿女同表姐一齊揀左個海豹毛公仔,按吓個肚仔識叫架!!



離開旭川動物園,沿途車程開始落雨,途經美瑛時更落到好似紅色暴雨咁!!心諗唔係咁黒仔吓!!今次黎北海道既主要目的係睇花田,而家睇花先至黎落雨,心情真係即時down!!但出奇地當到達富良野,只係天陰陰,,lucky!!



一到歩領隊先帶我地醫肚,今日食燒烤,個鐵板係鋤頭黎架!!雖然可以白飯任,領隊話唔好食咁飽,因為要留肚食另一様任食野!!




黎到期待以久既時候,任食赤玉蜜瓜!!一盤盤新鮮赤玉蜜瓜即切即食,真係超甜超多水!!統計過阿女同表姐各食左兩至三件,阿媽食左四件,連我呢個平時唔好蜜瓜既都食左四件,Ava就更加唔好講,食左八件,足足一整個,真係誇張!!




食飽飽開始另一樣活動,自製薫衣草枕頭.做法好簡單,將杯薫衣草鋪係棉花面上,想香D既可用100円買多杯(阿女同表姐就買多一杯喇),再用棉花包住D薫衣草,最後套埋個枕頭袋,完成!!



終於都到重點節目,欣賞花田!!雖然呢度七色花田,但眼前一大片薫衣草田,再加埋其他花種,已令我地興奮不已!!








係頭先途經美瑛見到有個好多靚花既公園,領隊問我地想唔想去,但去左果度就得去睇美瑛出名既Mild Seven之樹,大家衡量過後都覺得睇花好D,所以個個舉脚贊成!!到達後天色開始陰暗,但無阻我地賞花既心情,繼續狂影相!!呢個花園比頭先個花田更靚!!





行到上去睇到個牌,先至知原來呢度就係頗出名既 - 亞斗夢の丘(ぜるぶの丘).





終於完成今日既賞花之旅,個天亦開始滿雨,係時候出返去札幌!!



坐左三個鐘頭車,出到黎都已經夜晩7點幾,係時候醫吓個肚!!今晩同樣係食燒烤,另外我地仲自費左塊西冷同鮑魚,塊西冷真係好正,入口即溶!!至於隻鮑魚,則略為酒味重左少少!!






最後返到酒店玩埋個室内泳池,跟手再去浸多次温泉,第四日行程就此結束!!


2 則留言:

  1. 你hr幾?近兩晚要幫「捉鬼敢死隊」班團友打白金,所以mh無online
    [版主回覆08/29/2009 09:29:00]怪唔得呢兩晩唔見你啦!!我而家HR25咋,真係打得好慢!!下星期應該可以多D時間玩,因為阿女返學要早sleeping.係喎!!有無興趣打「武裝戰線」個任,好似有巻出整件皮褸喎!!

    回覆刪除
  2. 有興趣.
    我仲諗緊即唔即比2000yen續三個月,我free 20日下星期到期.
    但係下星期ps3有gundam出XD
    [版主回覆08/29/2009 12:38:00]我玩得咁慢,所以已經續左三個月喇.....

    回覆刪除