Toy Story有幾hit,相信不用多作介紹,在第三集最後十幾分鐘安迪和各玩具道別的場面,到現在還歷歷在目……籍着電影上演,周邊産品可以話空羣而出,可能因為玩開日系玩物,所以只睇中由海洋堂推出的特撮系列 - 巴斯光年及胡迪,現在就先請太空巡邏員「巴斯光年」出場!!
Box Art & Packing
雖然從比例上巴斯光年是細小過胡迪,但驟眼看會覺得有點細小過頭.上色及QC非常出衆,身體各處的標誌十分細緻,不用多選已可收貨.
配件方面,有多一款表情樣,名牌,軍人公仔,而雙翼則需要換件才可呈現.
各ball joint收藏位算幾好,活動能力對有玩開Revoltech應該收貨有餘,除手指可動外,肩頭胶位的新設計無疑是加強了雙手的可動範圍.而唯一要注意是扭動頭部會因頭罩關係而有所限制.另外今作的最大賣點 - 眼球可動,無可否認為玩物帶來不少生氣,但亦同時為我們這羣為玩物拍照的人帶來小小麻煩, 因巴斯的面較細,拆下面相,調較好眼球角度後,到重新裝上頭部時,難免會有少少偏差,結果可能要搞好耐,才能拍下一張較好的照片,真係好考耐性呢!!
「巴斯光年!!一飛沖天!!」
和胡迪比較,巴斯光年的確係差了少少.但既然是一對好友,又怎可以分拆只買一款呢!!下篇將介紹胡迪,巴斯光年仲會友情客串添!!
就連腳板下亦加有 "ANDY" 字樣~
回覆刪除真是細心呢~
[版主回覆08/05/2010 10:45:00]兩款都有架!!胡廸做得仲細緻
我呢套都好想買，一直心大心細，因為一買要兩個老友買齊~
回覆刪除[版主回覆08/05/2010 12:11:00]而家買既話市面已炒近一隻大牛一對,好似話遲D兩星期後有第二批返,到時可能會平少少...
放棄了....比例太差!
回覆刪除[版主回覆08/05/2010 13:07:00]但玩起上黎會唔多覺既
真係人人都有入呢隻,我冇呀,費事開多個火頭 真係日本仔出,係多d人買同埋靚d.
回覆刪除[版主回覆08/05/2010 15:33:00]如果出埋其他角色就大件事
呢隻同胡迪都真係好正...但奈何太貴啦
回覆刪除[版主回覆08/05/2010 23:02:00]今日見大約要$440一對,回落少少了.....
回落$440一對? Sounds reasonable... let's take a look!!
回覆刪除[版主回覆08/06/2010 09:13:00]我第一日就買,$400有找
我想知而家重有冇得買架??
回覆刪除如果有咁係邊同大約幾錢呢??
[版主回覆05/12/2011 09:08:00]試試去福榮街或信和找找,應該有貨!!巴斯唔難找,古廸就難D,價錢二百鬆D啦!!