動漫節2011遊記

一如以往,約好Wilson選擇星期六一點鬆D入場,出奇地暢通無阻,唔洗排隊!!




先唔評論頭條新聞,論規模,排場,話題,今年Hottoys真係贏哂!!展館設於場中央,豪裝之餘場中又冇乜竸爭對手,就算冇玩開Hottoys野,都好想入去睇吓!!

場中最吸引我係由S.I.C.造型師竹谷隆之監修既鐡血戰士!!

另一邊箱既Enterbay,雖然不及Hottoys,但亦有出色的作品,如這個「阿諾」便是其中之一!!

近年自己非常熱愛既動漫之一「銀魂」,可惜場内産品不多...

電腦Online Game自然是少不了.

以往一直係動漫節港漫龍頭既天下,玉皇朝,今年鋒頭完全被Hottoys蓋過之餘,本身所出既産品亦欠缺吸引,難怪人龍短了不少,而在另一邊箱,龍少隻十八銅人真係好靚,雖然最後我無訂到,但都有買個龍神IPhone殼.

輪到講BANDAI,明顯佢地將所有野留待八月十二至十四號既「魂Festival超合金之夏」才正式showoff!!場内除展示魂Festival限定品及Gundam Age部份模型外,其餘産品一律欠奉...

冇新産品之餘,連電撃作品都少左好多,水準亦比前兩屆失色...慶幸有返個One Piece展區,如果唔係真係冇野睇!!

再講其他玩具商:壽屋,Square Enix冇驚喜,全部都係已發售産品.而以往有份參展既Medicom,Alter,Max Factory,Figma,Revoltech等今屆全部影都唔見!!雖然唔太肯定,但可能因之前三月係C3已展過一次,又或者因為大地震,所以今次動漫節就索性唔參加...

係冇野睇既情況之下,影左幾張cosplay相就走人喇!!

今年係場内再次零收獲!!轉過頭就去188孤主回收我盒期待已久既超合金魂宇宙大帝同Composite Ver.Ka風之魔裝機神!!總括而言,今年係最冇野睇既一屆!!其實動漫節近幾年既定位已越黎越變質,宣傳重點不在動漫處,而是靚模女優身上,又搞乜野女僕書店,難怪馬sir在書中慨嘆下年可能不參加了!!所以自己幾希望C3能夠年年繼續搞落去,因為主題集中係動畫,又有日本人參與其中,感覺上至少唔會好似動漫節咁亂黎!!伸完一輪兩星期後玩具迷大show「魂Festival超合金之夏」即將舉行,希望Bandai你做得好好睇睇,唔好令我地失望呀!!

題外話:再講返今年動漫Hottoys事件,在場中不絶聽到「Ironman ,Batman好靚!!」「李小龍整得好似!!」等評語,在産品宣傳上的確係收到很好的效果!!但「贏了人氣,輸了口碑」,當日係新聞見到一大班賓賓,阿差排隊,炒家理直氣壯做訪問,仲話請得排隊黨少,插隊更講到理所當然咁,真係歎為觀止!!老實講,炒家,排隊黨,插隊係呢個社會經常可見,最大問題其實係Hottoys冇切實咁去管理!!上年一大班金毛MK迫爆展館,今年就輪到賓賓阿差,咁下年洗唔洗出動到軍隊呢!!Hottoys年年賺咁多,請多兩三個職員維持秩序,派「抵錫咭」時做多少少野,例如如果係本地玩家,身上少不免一定有一兩張訂單(可能唔止),核對訂單及電話,毎人毎張單一個電話限買幾多隻,海外玩家就問問題,例如Batman有乜特徴??未來有乜産品等等...只要做多少少,就算社絶唔到炒家,都至少趕絶班排隊黨!!雖然自己唔係Hottoys玩家,但都希望當日如此糟透的場面,不再復見!!