Tamashii Festival 2011@HK 遊記

一連三日,「Tamashii Festival 2011超合金之夏」終係剛過去既星期日完滿結束!!因為影相既關係,所以特登等到星期日至去睇!!中午去到九展大門,用左大約三十分鐘排兩次隊攞贈品魂Stage 後,就正式入會場參觀!!

一入會場感覺整整有條,各類展品清楚分明擺放在不同區域,參觀者可近距離睇清楚實物(展品内容煩請到我之前寫既不同篇數内瀏覽),玩物亦被展商悉心擺放出不同pose,再加上場内播放其商品動畫及主題曲,氣氛一流!!

除左展品外,亦加入超合金的製作過程,内部關節的設計等資訊.

另外亦増設兩個試玩區,分別有Metal Build七劍,Metal Composite RX-78,SR超合金鳳牙,白騎士,真劍王,鐡甲萬能俠及勇者王,好讓一班未買既朋友中毒!!觀其兩區熱閙既情況,相信都唔少人中招呢!!

最後填埋張問巻,連影相在内,自己逗留左大約兩個鐘就離場,當中亦有數種展品係禁止拍照,例如超合金魂GX-61,不同地域既鐡甲萬能俠,初音電腦戰機,Figuarts Zero火影忍者及死神等.總觀而言,相比起三年前舉辦過既兩屆,今年不論規模,秩序及展品都係歴屆之冠!!雖然仍有小部份玩物冇隨七月日本魂展展出(我同朋友都一心想睇吓YF-29 Super Pack同VF-25F Ver.2),但大致上已滿足各玩家對今次展覽既期望,而且不單免費入場,仲有禮物送,抵讚!!希望笨大及瑞記能保持今次搞魂展既誠意,為我地呢班為你打工既玩家,年年送上這一大盛事就好啦!!