新加坡自由行之旅2011@Day 5

8月21日

行程 : 牛車水～黄亞細肉骨茶～新加坡樟宜機場～返香港

都未介紹呢間酒店嘅早餐,論食物款色仲多個Hard Rock Hotel架!!

要check-out啦!!返到屋企冇得俾你地咁樣跳架啦!!

今日主要係去買手信,咁就梗係要黎牛車水啦!!

接近中秋,周圍已佈滿燈籠裝飾!!

買肉乾就梗係買林志源啦!!唔通去香港通街都係嘅美珍香咩!!

成條街就好似女人街咁,買飾物,小擺設,衫等,簡直開正Ava果瓣!!之前係聖淘沙入咗啲小量貴貨,係呢度入平貨溝淡佢!!

呢款椰水幾清甜好味架!!個仿椰子仲可以當膠盒用黎收藏立雜野都得!!

得林志源一間又點可以滿足呢!!過兩個街頭去另一間手信店:胡振隆.係呢度買咗好多野,麻油,辣椒油,陳皮糖,山竹糖,尤魚乾等!!

買完手信已接近一點,時間緊迫,即搭的士食另一樣特色食物:黄亞細肉骨茶.好多人慕名而黎,我地都要等三四個字至有位坐.

員工用PDA落單,我地嗌左排骨湯(S$7.50)同肉骨湯(S$5.50),再加多碟鹵鮮冬菇,功夫茶就揀大紅袍!!

而食嘢期間周圍有好多白鴿行黎行去,搞到兩小妮子一路食一路依嘩鬼叫!!

肉骨茶冇乜中藥味,胡椒味就好重,排骨好腍,湯可以任添!!食得辣嘅會覺得好正,我就足足添咗四碗湯啦!!

沿住黄亞細條路直行就可到Farrer Park站.返酒店前再係附近便利店買多幾個杯麺做手信!!

旅行期間正値準備新加坡選舉總統,無獨有隅正是相中人前副總理陳慶炎勝出.

原本黎嘅時候個細喼吉嘅,而家走就塞到滿哂囉!!

要告別新加坡囉!!大約四點鐘黎到機場,搞掂好哂啲行李,我地就坐Skytrain過去三期T3.

必買的另一手信:班蘭蛋糕!!

過黎三期T3嘅主要目的其實係為咗呢個:消費滿S$10,可以玩The Slide@T3!!落一層先去詢問處用單換玩券先!!(買班蘭蛋糕間舖收銀位置有個盒仔可以任攞人地唔要嘅單架!!)

條滑梯四層樓高,速度唔快,得個長字,我地總共玩7次啊!!(細啲嘅小朋友可以落低兩層玩,呢度唔洗用單換飛,任玩架!!)

玩夠又到下午茶時段.係Killiney Kopitiam快速食埋最後一餐海南雞飯同咖央多,就要過返去T1離境啦!!

過左離境大堂,用埋啲散紙買糖,就正式登機,離開新加坡!!

回程機啲戲比較弱,揀左部天姫戰黎睇!!其間仲有另一節目,由天文學會主任TN(姑丈),手執iPad,教大家睇星星!!咁啱我地個位置可以清楚見到北斗七星,而且好近,就好似去左太空館咁,阿女都不知幾興奮!!

接近四個鐘嘅機程好快就過,終於喺10點半返到香港!!

最後分享吓啲戰利品,主要都喺以食物為主!!

後記:好好彩五日都好好天,落過兩場驟雨都係撞正我地坐緊車,對成個新加坡之旅全無影響!!正如的士佬經常同我地講「It’s a small island!!」,其實新加坡除咗食之外,玩嘅野真係唔多,但都好好玩,買嘢比香港貴,唔喺去聖淘沙果邊,三日乜都玩得哂!!至於會唔會再去新加坡玩,至少黎緊五年内唔會囉!!咁下年去邊度玩??呢一切就要等阿女過咗呈分試,派到邊間中學先再作決定囉!!