不知大家有没有看現時在日本超人氣的動畫「Tiger & Bunny」呢?由桂正和做人設,講述一衆超級英雄如何拯救市民,同時要為贊助商打工,保持英雄人氣榜位置的故事.我也是近日才download來看,初初没太大感覺,但越睇越好睇(虎叔的搞笑技倆真係一絶),終用三日時間追哂全25話!!適逢SHF剛剛推出虎叔Wild Tiger,所以亦急不及待開盒介紹!!
Box Arts & Packing
頭炮登場是主角:原名鏑木・T・虎徹,英雄名稱為WILD TIGER,英雄人氣榜接近榜未位置.因舊公司被收購,虎叔被迫賣到新公司Apollon Media,更要穿上其贊助商所設計的新戰鬥服.(舊那套簡直是向Batman致敬)
回説玩物,主體用上珍珠白,螢光綠及銀色線條,加上全身上下多達十數處透明部件,亮眼十足,遠看説其像SR合金亦不為過.但QC只屬一般,有上油不到位,汚漬等問題,我這盒已算少了,看日本report不少個頭係花哂...買時小心check check!!
身上印上贊助商SoftBank及S.H.Figuarts的Logo,還有代表WILD TIGER的老虎標記,各處亦有不少細緻刻紋,detail位十足.
配件有六種替換手,Wild Shoot,Good Luck Mode大拳頭及地台.
Good Luck Mode大拳頭比想像中輕身,detail位同樣細緻.
各關節位鬆緊度偏緊,加上金屬脚,表現十分紮實.鑑於戰鬥服的設計問題,若拿拉打系列比較,活動能力明顯是遜色少少,如頭部因頸領位轉向不足,手肘只到90度,腰間幅度不大等,但整體仍然是夠玩的.始終虎叔在動畫亦不見得瀟洒,這算是忠於原著吧!!
裝備方面,Wild Shoot要拆下手腕甲才可裝上,手柄位可動.若能附上飛索就perfect啊!!(這裝備算是向Spiderman致敬吧!!)
Good Luck Mode大拳頭因輕身及關節實,完全無需擔心其保持力!!設定中此裝備並没有特別加強功撃力,純為出招時華麗點才有的裝備.
強烈推介「Tiger & Bunny」,劇情輕鬆得來又帶有緊張,11月還會上映Season 2,令人期待!!此玩物不論在港日兩地均出現大缺貨,下月出的Bunny希望多貨吧!!(日本已由原價四千五円炒到去七八千円...笨大應該好快再販,各位有心買的朋友等等吧,不要捱炒價呀!!)
估唔到係桂正和老師做人設參與的作品呢....
回覆刪除[版主回覆09/27/2011 07:17:42]個故仔都好配合桂正和嘅風格，值得一睇架！
好多人都話好睇,我都好想睇,但要提醒自己唔可以又開多條line買新玩具
回覆刪除[AJ皇回覆09/28/2011 13:50:06]thx,但我家上網得6m,會好漫,因為住村屋...
[版主回覆09/27/2011 11:44:44]我係uwants找種,25話一個鐘唔洗DL完,好快!!
我都有收看這動畫... 所以也有買到這 figure...
回覆刪除早前日本已去到 16800 yen 了...
另外, 為何的明名字不是 show "梅淤 hopper" 既...?
[版主回覆09/27/2011 15:19:16]你要UPGRADE個BLOG先可以SHOW返你個名出黎....我而家都要好轉接先可以去到你個BLOG.....
O下...? 咁大件事...?
回覆刪除我沒有 UPDATE 啊...
咁現在你已 UPDATE 了 BLOG 之後, UPLOAD 或察東西時麻不麻煩及暢不暢順...?
[版主回覆09/27/2011 15:59:23]Upgrade完都幾麻煩,而家慣左就好D.....例如以前我會打哂成篇BLOG跟住至貼圖,而家就要打完一段字就要貼圖,歩驟複雜左....好處係可以用iPhone寫blog同回覆,毎篇blog唔再限死只有廿張圖!!其實Y!Blog遲早都會自動迫你upgrade,咁不如自己動手啦!!!
"打完一段字就要貼圖" 就已經夠繁複了...
回覆刪除其實舊 BLOG 也可以 UPLOAD 廿張圖以上的,
只不過是要分開 UPLOAD 而已...
[版主回覆09/27/2011 17:14:34]所以都幾多人不滿....
宜家太貴..又想出3DS PSVITA
回覆刪除唯有等再版啦
[版主回覆10/05/2011 20:32:30]check虎叔最緊要睇面相同心口位!!
[桜姫 紫夢回覆10/05/2011 20:00:32]Ps3 都有好多大作想玩！
Btw tiger Qc真係麻麻
[版主回覆10/05/2011 09:22:36]等多兩星期有再販貨,會平返D啦!!而家3DS抵買啦!!至於PSVITA,初初一定炒,可以等吓先!!!
已經入了 bunny, 一玩就知佢比tiger更用心去做………
回覆刪除好正………而且隻goodluck腳掌有關節的……
點解tiger個拳頭無………
[版主回覆10/30/2011 18:46:38]我都入左，因為身形關係，bunny可動性比較好！